உன் பூப்பாத இதழ்கள்.
வெட்கத்தில் வளையும் விரல்கள்..
புதுமெட்டி அணிய வைத்துக்கொள்...
எனக்கு பிடித்த பாதங்கள்.
நான் பிடிக்க வேண்டிய பாதங்கள்..
முத்தமிட்டு முத்து கொலுசு அணிய வைத்துக்கொள்...
உடை நழுவும் மெல்லிடை.
பத்துவிரலும் பதியும் மென்னிடை..
இடையாபரணம் அணிய வைத்துக்கொள்...
நம் காதல் முத்தத்தின் முதலிடம்.
வெட்டிய பிறை துண்டில் முழு ஆதவன் உறைவிடம்..
நெற்றிசுட்டி அணிய பத்திரமாய் வைத்துக்கொள்...
இதுவரை பிடித்திடா விரல்கள்.
இறுதிவரை பிடித்திட வேண்டும் விரல்கள்..
என் பெயர் பொறித்த மோதிரம் அணிய வைத்துக்கொள்...
இதுவரை நான் வரையறுக்க வார்த்தையற்ற காதில்.
நம் காதல் சொல்லிய காதில்..
காத(தி)ல் எண்ணத்தோடு அணிய என எண்ணிக்கொள்...
பல ஆபரணம் கண்ட வெண்கழுத்து.
நான் புது ஆபரணம் சூடப்போகும் மென்கழுத்து..
நான் பொன்கயிறு கட்டிட ஓர் வார்த்தை சொல்...
-- Deepakraj